Afg‘onistonda stadiondagi portlashda 3 kishi halok bo‘ldi

20 yanvarda Afg‘oniston shimolidagi Balx viloyatida stadionda bomba portlashi oqibatida 3 kishi halok bo‘ldi. Stadionda buzkashi – pologa o‘xshash o‘yin o‘tayotgan bo‘lgan. Bu haqda AFP axborot agentligi xabar bermoqda. 

Bomba uchrashuv tugagach tarqalayotgan tomoshabinlar orasida portlagan.

Dastlabki ma'lumotlarga ko‘ra, portlash oqibatida "Tolibon" harakatiga qarshi kurashuvchi qurolli tuzilma qo‘mondoni, uning tansoqchisi va yana bir odam halok bo‘lgan.