Samsung rahbariyati Note 8 chiqarilishini tasdiqladi

Janubiy Koreyaning Samsung kompaniyasining mobil qurilmalar ishlab chiqaruvchi bo‘limi rahbari Dong Djin Kox Note fabletofonlarini ishlab chiqarishni davom ettirishga tayyorligini izhor qildi. Shunga ko‘ra, Galaxy Note 7 smartfonlarining yonib ketishi bilan bog‘liq hodisalarga qaramay, bu telefonlar seriyasi davom ettirilishi mumkin, deb xabar qilmoqda CNET.

«Biz yanada sifatliroq, xavfsiz va texnologik Note 8 yasaymiz», — degan Kox CNET portaliga bergan intervyusida. U, shuningdek, yangi model iste'molchilarning brendga ishonchini qaytarishga yordam beradi, deya umid bildirgan.