Buyuk Britaniya qirolichasi saytida yangi xodimlar qidirilayotgani haqida e'lon joylashtirildi.
The Sun tabloidida yozilishicha, qirolicha "ilg‘or va harakatchan jamoaga qo‘shilish"ni taklif etgan va yangi mutaxassis bu jamoada o‘sishga erishishiga va'da qilgan.
Qirolichaning tvitterdagi mikroblogini yuritishi, uning tashriflari tafsilotlarini joylashtirib borishi, u ishtirok etgan turli marosimlar, qirollik xonadoniga oid ma'lumotlarni ijtimoiy tarmoqlarda post qilib tarqatishi, shuningdek, Facebook va YouTube’da videolarni joylashtirishi kerak bo‘ladi.
Xodimga yiliga 30 ming funt to‘lanishi aytilgan.
Ayni vaqtda Yelizaveta II’ning tvitterdagi akkauntida (@RoyalFamily) 2,77 mln follover to‘plangan.
