O‘zbekiston Prezidenti Shavkat Mirziyoyev o‘z farmoni bilan “O‘zbekteatr” ijodiy-ishlab chiqarish birlashmasi, “Artmadad” maxsus jamg‘armasi va “O‘zbekmuzey” jamg‘armasini tugatdi.
Endilikda ushbu tuzilmalar funksiyalari va barcha mol-mulki yangi tashkil etilgan O‘zbekiston Respublikasi Madaniyat vazirligiga topshiriladi.
Eslatib o‘tamiz, O‘zbekistonda ayni kunda 39 teatr va 175ta muzey faoliyat ko‘rsatadi. Teatrlarning katta qismi deyarli to‘la hajmda davlat byudjyeti tomonidan moliyalashtiriladi, ularning chiptalar sotuvidan ishlab topgan mablag‘lari esa aktyorlarni moddiy rag‘batlantirish, ijodiy loyihalarni qo‘shimcha moliyalashtirishga yo‘naltiriladi.
