Oq uy: Tramp Rossiya bilan "bitim tuzishga" urinib ko‘radi

AQSh prezidenti Donald Tramp Rossiya bilan terrorchilikka qarshi kurash va iqtisodiy masalalar bo‘yicha "bitim tuzishga" urinib ko‘radi, deb aytdi jurnalistlarga AQSh prezidenti matbuot kotibi Shon Spayser.

"Tramp agar Rossiya bilan bitim tuzishga erishsa, u bitimni tuzadi, agar qila olmasa, yo‘q. Biroq u harakat qilib ko‘radi. Fikrimcha, uning tadbirkor va muzokarachi sifatidagi muvaffaqiyatiga u buni qila olishidagi ijobiy belgi sifatida qarash kerak", deb aytdi Spayser.

"Agar biz IShIDga zarba berish bo‘yicha, terrorchilikka qarshi kurash, iqtisodiyot o‘sishi – umumiy iqtisodiy manfaatlar topa oladigan sohalarimizda umumiy pozitsiyalarni topa olsak, unda shunday qilamiz. Biz bu borada Rossiya bilan ishlashni davom ettiramiz", deb qo‘shimcha qildi Spayser.

"Agar bu AQSh manfaatiga to‘g‘ri kelsa, u bitimga erishadi", deb o‘z so‘zlarini yakunladi  Spayser.

Tramp saylovoldi kampaniyasi doirasida Rossiya bilan "til topishish" istagini bildirgandi.