APL. Turning markaziy uchrashuvida g‘olib aniqlanmadi

Angliya premer-ligasining 29-turidan o‘rin olgan markaziy uchrashuvda «Manchester Siti» o‘z uyida «Liverpul»ni qabul qildi.

Uchrashuvning birinchi bo‘limida jamoalar juda ko‘plab vaziyatlar yaratgan bo‘lsada, hisob ochilmay qoldi. Ikkinchi bo‘limda avvaliga Firminoga nisbatan ishlatilgan qo‘pollikdan so‘ng belgilangan penaltini Jyeyms Milner aniq amalga oshirib hisobni ochdi. 69-daqiqada esa Kevin De Bryuynening pasidan so‘ng Serxio Aguero oradagi farqni yo‘qqa chiqardi.

Keyingi daqiqalarda ham jamoalar ko‘plab imkoniyatlarga ega bo‘lgan bo‘lsada, hisob o‘zgarmay qoldi. 

Ushbu natijadan keyin «Manchester Siti» hisobidagi ochkolar soni 57taga yetdi. «Liverpul» hisobida esa 56 ochko mavjud. Bundan tashqari, «Manchester Siti» bitta kam uchrashuv o‘tkazgan.

Angliya premer-ligasi, 29-tur

Manchester Siti – Liverpul 1:1 (0:0)

Gollar: Aguero (69) – Milner (51, penalti).
Manchester Siti: Kabalero, Klishi, Stounz, Otamendi, Fernandino, Sane (Fernando, 83), Ture (Sanya, 65), Sterling, Silva, de Bryuyne, Aguero.
Liverpul: Minole, Klavan, Matip, Klayn, Koutino (Origi, 73), Veynaldum, Firmino (Leyva, 89), Lallana, Mane, Djan, Milner.
Ogohlantirishlar: Firmino (16), Ture (22), Matip (43), Klishi (50), Silva (50), Mane (89).