19:25 / 20.03.2017
7420

BMW’ning ilk haydovchisiz modeli qachon bozorga chiqishi ma'lum qilindi

Foto: © BMW

BMW kompaniyasining avtomobillarni avtonom boshqarish bo‘yicha katta vitse-prezidenti Elmar Frikenshteyn ushbu markaning ilk haydovchisiz modeli 2021 yilda bozorga chiqishini ma'lum qildi.

Markaning birinchi haydovchisiz modeli Level 3 toifasiga mos keladi. Bu toifa mashina boshqaruviga faqatgina favqulodda vaziyatlarda aralashishni nazarda tutadi, deb xabar bermoqda Automotive News nashri.

Level 4 haydovchiga mashina boshqaruvini u istaganida qo‘lga olishga imkon beradi. Level 5 esa to‘liq haydovchisiz avtomobil bo‘lib, unda rul va mashinani boshqarishning boshqa organlari bo‘lmasligi mumkin. BMW Level 4 va Level 5 texnikasi bilan shug‘ullanmoqda, biroq uning bunday toifadagi mashinalari bozorda qachon paydo bo‘lishi hozircha noma'lum.

Top