Hindiston poytaxti Dehlida o‘tayotgan sport kurashlari bo‘yicha Osiyo chempionatida erkin kurash bo‘yicha 74 kg gacha vazn toifasida ishtirok etayotgan o‘zbekistonlik Bekzod Abdurahmonov Osiyo chempioni unvonini qo‘lga kiritdi. U final bahsida qirg‘izistonlik raqibi Muslim Yevlayevdan ustun keldi.
Shuningdek, yana bir hamyurtimiz, 97 kg gacha vazn toifasida ishtirok etayotgan Magomed Ibragimov ham oltin medal sohibiga aylandi. Nomdor kurashchimiz finalda eronlik raqibi Husayn Lutfali Shahbozigazvarni 6:4 hisobida mag‘lub etdi.
Shuningdek, yunon-rum kurashchilarimiz Mo‘min Abdullayev (130 kg) va Rustam Assakalov (98 kg) bronza medallarini qo‘lga kiritdilar.
Dehlidagi Osiyo chempionati yakuniga yetgandan so‘ng o‘zbekistonlik kurashchilarning bir qismi IV “Islom birdamlik o‘yinlari”da ishtirok etish uchun Bokuga kelishadi.