Manchesterda portlash: qurbonlar va yaralanganlar bor

Buyuk Britaniyaning «Manchester-Arena» stadionida portlash sodir etildi. Buning oqibatida 19 kishi halok bo‘lgan, 50 nafar odam yaralangan, deb xabar qilmoqda BBC telekompaniyasi. 

Ma'lumotlarga ko‘ra, amerikalik qo‘shiqchi Ariana Grande konsert berayotgan vaqtda ushbu hodisa ro‘y bergan. 

OAV yozishicha, ikkita portlash ovozi eshitilganidan so‘ng, tomoshabinlar orasida vahima boshlanib, barcha stadionni tark etishga uringan. 

Politsiya bu voqeani terakt sifatida baholagan, deb xabar qilmoqda Sky News.