«Barselona» murabbiyi o‘ziga yangi jamoa topdi

«Barselona» bosh murabbiyi Luis Enrikening amaldagi yordamchisi Xuan Karlos Unsue Ispaniyaning boshqa bir jamoasi «Selta»ni boshqarishga juda yaqin turibdi, deya xabar bermoqda Faro de Vigo.

Manba bergan xabarga ko‘ra, muzokaralar juda muvaffaqiyatli ruhda davom etmoqda. Tomonlar yaqin soatlar ichida shartnoma shartlari bo‘yicha butunlay kelishuvga erishishi kutilmoqda. Shunday holatda «Selta»ga Luis Enrikening boshqa yordamchilari ham yo‘l olishi kerak bo‘ladi.

Eslatib o‘tamiz, oldinroq ispan matbuot Unsueni «Barselona»ni boshqarishga nomzod murabbiylardan biri ekani haqida yozgandi. Ammo so‘nggi kunlarda kataloniyaliklarni boshqarish uchun faqatgina «Atletik» Bilbao ustozi Ernesto Valverde nomi tilga olinmoqda.