AQSh NATO davlatlarini himoya qilishga va'da berdi

AQSh prezidentining milliy xavfsizlik bo‘yicha maslahatchisi Genri Makmaster prezident Donald Tramp NATO davlatlariga tajovuz qilinadigan bo‘lsa, ularni himoya qilish bo‘yicha majburiyatlarni aniq qo‘llab-quvvatlaydi, deb aytdi. Bu haqda Reuters axborot agentligi xabar bermoqda. 

"Men prezidentdan 5-moddani qo‘llab-quvvatlashi borasida alohida bayonotni kutish g‘ayritabiiy deb hisoblayman. Albatta, u bu moddani qo‘llab-quvvatlaydi", deb aytdi Makmaster.  

Makmasterning aytishicha, Tramp bu modda haqida eslatmaslik haqida qaror qabul qilmagan, chunki bu modda shundoq ham nazarda tutiladi.  

"AQSh, prezident NATO doirasida 5-modda bo‘yicha majburiyatlarini bajarishda qat'iyligi fakt hisoblanadi", deb ta'kidlab o‘tdi Makmaster.

Tramp NATOning Bryusseldagi bosh qarorgohidagi nutqida NATO bilan kelishuvning 5-moddasi haqida eslab o‘tmagandi. Bu moddada NATOga a'zo davlatga tashqaridan qurolli hujum amalga oshirilsa, bu davlat NATO tomondan qo‘llab-quvvatlanishi va bu hujum butun NATOga hujumdek qabul qilinishi aytilgan.