Foto: TOLOnews
Afg‘oniston Sog‘liqni saqlash vazirligi Kobuldagi portlash oqibatida 19 kishi halok bo‘lganini tasdiqladi. Tolo News telekanali vazirlikka asoslanib xabar berishicha, portlash oqibatida jarohatlanganlar soni 319 nafarni tashkil qilmoqda.
Telekanal avvalroq poytaxtda portlash tufayli kamida 50 kishi halok bo‘lgani va 100dan ortiq kishi jarohatlangani haqida xabar tarqatgandi.
Reyter agentligi esa bu portlash o‘nlab kishilarning o‘limi va 100ga yaqin kishining jarohatlanishiga sabab bo‘lgani haqida yozdi.
Portlash elchixonalar joylashgan hudud yaqinida ro‘y bergan - portlovchi moddalar bilan to‘ldirilgan avtomobil portlatilgan.
