Xitoydagi hayvonot bog‘ida eshak yo‘lbarslarga tiriklayin yem qilindi

Xitoydagi hayvonot bog‘laridan birining xodimlari uchta yo‘lbarsga tirik eshakni yemga berishdi, deb xabar bermoqda Daily Mail nashri.

Ushbu holat tasvirlangan videoda hayvonot bog‘ining bir necha xodimlari yo‘lbarslar saqlanuvchi joy atrofidagi hovuzga eshakni tashlab yuborishganini ko‘rish mumkin. Eshakning jon saqlab qolishga urinishlariga qaramay, yirtqichlar himoyasiz hayvonni ayab o‘tirishmagan.

Nashr ma'lumotlariga ko‘ra, yo‘lbarslarga o‘ljani o‘ldirish uchun 1,5 soat vaqt ketgan.