Tramp Britaniyadagi saylov natijalaridan taajjubda ekanini ma'lum qildi

AQSh prezidenti Donald Tramp 9 iyunda Buyuk Britaniya parlamentiga o‘tgan saylovlar natijalaridan taajjubda ekanini aytdi.

"Taajjub", deb aytgan Tramp jurnalistlarning saylov natijalariga izoh berish iltimosiga javoban va boshqa hech qanday ma'lumot bermagan. 

Buyuk Britaniya bosh vaziri Tereza Mey boshchiligidagi Konservatorlar partiyasiga parlament saylovlarida hukumatni shakllantira oluvchi ko‘pchilikka bir nechta ovoz yetmagan. Mey Shimoliy Irlandiyaning Demokratik yunion partiyasi bilan hamkorlik qilmoqchiligini aytgan, biroq bu hamkorlik qanday shaklda o‘tishini ma'lum qilmagan.