Yettinchisi: Britaniya politsiyasi terakt bo‘yicha yana bir gumondorni qo‘lga oldi

Britaniya poytaxti London shahri sharqida 3 iyun kuni amalga oshirilgan terakt ishi bo‘yicha yana bir gumondor qo‘lga olindi. Bu haqda Skotlend-Yardning yakshanba kuni bayonotida so‘z yuritilgan.

19 yoshli yigit terrorchilik jinoyatini amalga oshirish, tayyorlash yoki yordam berishda gumon qilinib Barking tumanida hibsga olindi, deyiladi xabarda. Bundan avval, qamoqqa olingan 6 kishi hozircha hibsda saqlanmoqda. 

3 iyun kuni 3 nafar terrorchi avtomobilda London ko‘prigidagi piyodalarni bosib ketgan. Shundan so‘ng, Boro-marketga borishgan hamda mashinadan chiqib, pichoqlar bilan odamlarga tashlanishgandi. 8 kishi halok bo‘lgandi. Huquqni muhofaza qiluvchi organlar terrorchilarni yo‘q qilishgandi.