FitchRatings “Mikrokreditbank” faoliyatini “Barqaror” deb baholadi

2017 yilning 10 iyul kuni “Mikrokreditbank” ATB xalqaro reytingini baholash monitoringi yakunlari bo‘yicha, FitchRatings kompaniyasi bankning xalqaro reyting ko‘rsatkichini “B+” “Barqaror” deb baholadi.
"Mikrokreditbank" O‘zbekistondagi yetakchi universal tijorat banklaridan biri sanaladi. Uning asosiy vazifalariga kichik biznes, xususiy tadbirkorlik sub'yektlariga keng ko‘lamdagi bank hamda konsalting xizmatlari ko‘rsatish;

Mikrokreditlar berish yo‘li bilan mikrofirmalar, oilaviy biznes va kasanachilik rivojlanishini rag‘batlantirish va qo‘llab-quvvatlash xisobiga tadbirkorlik sohasi kengayishiga ko‘maklashish;
Qarz oluvchi tomonidan taqdim etiladigan biznes-rejani, uning moliyaviy holatini, kreditni to‘lash bo‘yicha majburiyatlari ta'minlash manbalarini sinchiklab tahlil etish asosida mikrokreditlarning qaytarilishini ta'minlash;

Mikrokredit berish bo‘yicha xizmatlar ko‘rsatishni kengaytirish uchun xalqaro moliya institutlari hamda yetakchi xorijiy banklarning imtiyozli kreditlari, investisiya va grantlarini jalb etish;
Ayniqsa qishloq joylarda, kichik biznes va xususiy tadbirkorlik sub'yektlariga xizmat ko‘rsatish uchun qo‘shimcha imkoniyatlarni ta'minlaydigan filiallar va mini-banklar tizimi orqali moliyaviy infratuzilmani yanada rivojlantirish kiradi.

Reklama huquqi asosida.