08:53 / 19.08.2017
5271

AQSh Ruminiyaga 1,25 mlrd dollarlik raketa tizimlari yetkazib bermoqchi 

Foto: AP

Ruminiya AQShdan umumiy qiymati 1,25 mlrd dollarlik High Mobility Artillery Rocket Systems (HIMARS) yoppasiga o‘t ochish reaktiv tizimlarini oladi. Bu haqda Pentagon tarkibiga kiruvchi boshqarma ma'lum qilgan. 

AQSh mudofaa vazirligida bu shartnoma “AQShning tashqi siyosati va milliy xavfsizligini mustahkamlashi”, chunki NATO bo‘yicha ittifoqdoshi xavfsizligini kuchaytirishga qaratilgani aytilgan. Bundan tashqari, Vashington fikricha, raketa tizimlarini yetkazib berish Ruminiyaning mudofaasini kuchaytirish bo‘yicha ehtiyojlariga va NATO maqsadlariga to‘g‘ri keladi. Biroq AQSh kongressida bu shartnomani o‘rganib chiqish va unga ruxsat berish-bermaslik uchun 30 kun bor.

AQShning fikricha, Ruminiya HIMARS tizimi hisobiga o‘z qurolli kuchlarini modernizatsiya qilmoqchi va “hududiy tahdidlar”ni ushlab turishni kuchaytirmoqchi. Kelishuvga ko‘ra, agar shartnoma amalga oshirilsa, 10 nafar amerikalik mutaxassis yangi tizimlarni yoyish va personalni u bilan ishlashga o‘rgatish uchun Ruminiyaga bir yilga yuboriladi.

AQSh iyulda Ruminiyaga 3,9 mlrd dollarga Patriot zenit-raketa tizimlarini yetkazib bermoqchiligini ma'lum qilgandi.

Top