Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Австралия Филиппинга ИШИД билан курашда ҳарбий ёрдам кўрсатмоқчи
11:17 / 01.09.2017
3030
Фото: AP

Австралия Филиппинга ҳарбий ёрдам кўрсатишга тайёр. Бу ҳақда мамлакат ТИВ раҳбари Жули Бишоп журналистлар билан мулоқоти давомида маълум қилди.

Шу билан бирга, унинг таъкидлашича, Австралия қуролли можарода тўғридан-тўғри иштирок этмайди.

«Гап жанговар ҳаракатларда иштирок этиш ҳақида эмас, балки маслаҳатлар, ҳарбийларни тайёрлашда ёрдам кўрсатиш борасида кетмоқда», - дея вазирнинг сўзларини келтиради ТАСС.

Шунингдек, унинг хабар беришича, Филиппин томони қандай қўллаб-қувватловга эҳтиёж сезаётгани борасида жавоб қайтармаган.

«Бироқ биз Жанубий Филиппинда «ИШИД» таянч нуқтасининг пайдо бўлишига йўл қўймаслигимиз керак», - дея қўшимча қилиб ўтди Бишоп.

Аввалроқ Пентагон Филиппинда ИШИДга қарши амалиёт режалаштираётгани хабар берилганди.

 


Улашинг
Top