Myanmadan Bangladeshga 123 ming musulmon qochib o‘tdi

Myanmada rohingya musulmonlariga qarshi olib borilayotgan shiddatli amaliyotlar natijasida Arakan viloyatidan qo‘shni Bangladeshga qochib o‘tgan musulmonlar soni 123 ming kishidan ortdi. Bu haqda BMT qochoqlar masalalari bosh boshqarmasiga asoslangan holda VVS xabar qilmoqda. 

Anadolu agentligiga ko‘ra, so‘nggi bir kecha-kunduzda Myanmaning Bangladesh bilan chegarasini rohingya musulmonlaridan 25 mingga yaqini kesib o‘tgan. 

Bundan avval Yevropa rohingya musulmonlari kengashi matbuot kotibi (ERC) Anita Shug Myanmaning Arakan shtatida harbiylar va millatchi buddachilarning hujumidan 2-3 mingga yaqin musulmon halok bo‘lgani, 100 mingdan ortiq musulmon o‘z uylaridan chiqarib yuborilganini aytgan edi.