Kongoda harbiy samolyotning qulashi oqibatida 10 kishi halok bo‘ldi

Kongo Demokratik respublikasi poytaxti Kinshasada harbiy transport samolyoti falokatga uchradi.

"Transport samolyoti quladi. Bu harbiy samolyot edi. U yo‘lovchilarni tashimagan. Samolyot ekipaji omon qolmagan", deb ma'lum qildi N’Djili xalqaro aeroporti diretori.

Radio Okapi radiostansiyasiga iqtibos keltirgan holda RIA “Novosti” axborot agentligining ma'lum qilishicha, samolyot bortida kamida 10 kishi bo‘lgan. Dastlabki ma'lumotlarga ko‘ra, falokatga texnik nosozlik sabab bo‘lgani ehtimoli bor.

Voqea tafsilotlari tergov qilinmoqda.