Ukraina hukumati AQShga o‘zi olishni xohlagan qurol-yarog‘lar ro‘yxatini topshirdi. Bu haqda "Ukrainskaya pravda" internet-narshi mamlakat Bosh shtabi boshlig‘i Viktor Mujyenkoga asosan xabar bermoqda.
Kiyev Vashingtondan havo razvedkasi vositalari, tanklarga qarshi tizimlar va radioelektron kurash tizimlarini so‘ragan.
Bu borada muzokaralar bo‘lib o‘tdi, endi Vashingtonning siyosiy qarorini kutish lozim, deya qo‘shimcha qilib o‘tdi bosh shtab boshlig‘i.
Mujyenkoning qayd etishicha, ba'zi taxminlarga ko‘ra, Vinnitsa yaqinidagi harbiy omborlarda yaqinda ro‘y bergan portlashlar AQShdan qurol yetkazib berishga xalaqit qilishga qaratilgandi.
Ukraina prezidenti Pyotr Poroshenko sentabr oyida Amerika senati Kiyevga xavfsizlik va mudofaa sohasidagi qo‘llab-quvvatlov uchun 500 mln. dollar ajratgani haqida ma'lum qilgandi. Uning so‘zlariga ko‘ra, qonun loyihasi Kiyevga “mudofaa xususiyatiga ega qurol-yarog‘lar” yetkazib berishni ko‘zda tutadi.
