Ispaniyada 4 tonna kokaini bo‘lgan kema ushlandi

Ispaniya politsiyasi xalqaro operatsiya o‘tkazish vaqtida 3,8 tonna kokain moddasi olib ketayotgan kemani ushladi. Bu haqda politsiya  tvitterda ma'lum qildi. 

Shu sababli kema ekipajining 7 nafar a'zosi qo‘lga olingan. Ta'kidlanishicha, giyohvand modda kema oshxonasi ostidagi kabinada yashirilgan bo‘lgan. 

Ma'lum qilinishicha, kema Kanar orollaridan 870 km uzoqlikda ushlangan. U Ispaniyaga Kolumbiyadan kelayotgan bo‘lgan.