20:40 / 08.10.2017
30995

Qo‘yliq massivi tomon harakatlanuvchi metro qurilishiga start berilmoqda

Foto:Facebook / Tashkent is under construction

Toshkent shahrining "Do‘stlik" ("Chkalov") metro bekatidan Qo‘yliq massiviga olib boruvchi metro liniyasi qurilishi boshlanmoqda. Facebook ijtimoiy tarmog‘ining "Tashkent stroitsya" (Tashkent is under construction) guruhida mavzuga doir suratlar va ma'lumotlar taqdim etildi. 

Manbaga ko‘ra, yangi metro liniyasi «O‘zbekiston» yo‘lining «Do‘stlik» bekatidan boshlanadi va u estakada ko‘rinishida bo‘ladi. 

Qo‘ylik tomon harakatlanuvchi metro yo‘nalishi qurilishiga shu kunlarda, ya'ni 2017 yilning oktabrida start berilishi kutilmoqda. 

Foto:Facebook / Tashkent is under construction

Bundan avval O‘zbekiston poytaxtida metropoliten uzunligini 160 kilometrgacha ko‘paytirish rejalashtirilgani, ular uchun 20 dan ortiq yangi bekat va bitta metropoliten tarmog‘i qurilishi haqida xabar berilgan edi. Birinchi 10 bekat qurilishi 2030 yilga qadar tugallanadi.

Ta'kidlanishicha, metro yer ustida bo‘ladi, tunnellar uzunligi 22 kilometrni tashkil etadi. Umuman olganda, Toshkent metrosining uzunligi 160 kilometrgacha oshadi, hozirda poytaxt metropoliteni 36,2 kilometrga teng va 29 ta bekatga ega.

Foto:Facebook / Tashkent is under construction

Eslatib o‘tamiz, Toshkent metropoliteni 1977 yilda ochilgan va Markaziy Osiyodagi birinchi metroga aylangan. Poytaxt metropoliteni uch tarmoqdan iborat bo‘lib, uning yo‘lovchi tashish hajmi kuniga 168 ming kishini tashkil etadi. Toshkent metropoliteni hozircha faqat yer osti bekatlaridan iborat.

Top