Foto: Reuters
Zimbabvening poytaxti Xarare tomon tanklar yo‘l olayotgani qayd qilindi. Ushbu holat tasvirlangan videoni The Independent e'lon qilgan.
Guvohlarning aytishicha, jangovar mashinalar shaharga olib boruvchi bir nechta yo‘llarni to‘sib qo‘ygan. Bundan tashqari, harbiylar kiyimidagi odamlar ZBC davlat telekompaniyasining ofisini bosib olishgan, efir to‘xtatilgan.
Nashrning ta'kidlashicha, mamlakatning 93 yoshli rahbari Robert Mugabe o‘tgan haftada vitse-prezident Emerson Mnangagvani iste'foga ketkazgandan keyin mamlakatdagi ichki siyosiy vaziyat keskinlashgan.
Mnangagva davlat to‘ntaruvini amalga oshirishga urinishda gumon qilinib, o‘z lavozimidan chetlatilgandi.
