Intel 5G-modemlarni taqdim etdi

Protsessorlar va kompyuterning boshqa ehtiyot qismlarini eng yirik ishlab chiqaruvchisi bo‘lgan Intel kompaniyasi 5G standarti uchun radiomodemlar qatorini taqdim etadi. Ular 2019 yilda sotuvga chiqadi hamda simsiz tarmoq orqali soniyasiga gigabaytlab ma'lumotni uzatishi mumkin.

Intel, Qualcomm va boshqa firmalar tahlilchilarining taxminicha, 5G aloqa tarmoqlari aylanmasi vaqt o‘tib trillion dollarga yetadi. Bu texnologiya haydovchisiz avtomobillarda ma'lumot almashishning asosiga aylanadi hamda uylarda kabelli modemlarni almashtiradi. Jarayon kompleks radiosignallarni qayta ishlash imkoniyatiga ega mikrochiplarni yaratishdan boshlanadi.

Intel LTE’ning zamonaviy tarmoqlari uchun 5G-modemlar qatorini taqdim etadi, jumladan - Intel XMM 8000 seriyasi, shuningdek, bu avloddagi eng yangi chip - Intel XMM 7660’ni ham. Intel so‘zlariga ko‘ra, prototiplar sinovdan muvaffaqiyatli o‘tgan, XMM 7660 chipi esa gigabit tezligiga yetgan. Modemlar 2019 yilda sotuvga chiqariladi, 5G’ga ommaviy o‘tish esa 2020 yilga rejalashtirilgan.

Intel XMM 8000 mikrochiplari 6 GGts.gacha diapazonda ishlaydi hamda ko‘plab qurilmalarga mo‘ljallangan. Ular orasida kompyuter va smartfonlardan tortib gadjyetlar hamda avtomobillar ham bor. Eng birinchi esa XMM 8060 modeli bo‘ladi, u 2019 yilning o‘rtalarida paydo bo‘lishi mumkin, deb xabar qilmoqda Venture Beat.