Ostona Markaziy Osiyo davlat rahbarlarining uchrashuvini o‘tkazishni taklif qilmoqda

Markaziy Osiyo mamlakatlari davlat rahbarlarining norasmiy maslahatlashuvlari 2018 yil mart oyida, bahorgi teng kunlik kunida o‘tkazilishi mumkin edi. Qozog‘iston TIV rahbari Qayrat Abdrahmonov shunday fikrni bildirmoqda, deya xabar qilgan RIA Novosti. 

"Biz barcha qo‘shnilarimiz bilan Markaziy Osiyo mamlakatlari davlat rahbarlarining norasmiy maslahatlarini o‘tkazish tashabbusini hayotga tatbiq etish ustida ishlaymiz. O‘ylaymizki, Navro‘z bayrami Markaziy Osiyo yetakchilarining uzoq yillardan beri o‘tkazilmay kelayotgan uchrashuvni Elboshimiz raisligida o‘tkazishga asos bo‘la oladi", — degan Abdrahmonov xalqaro parlament konferensiyasida. 

Uning qayd etishicha, "bugun Markaziy Osiyoda an'anaviy do‘stlik va birodarlik munosabatlarining mustahkamlanishi kuzatilmoqda".

Eslatib o‘tamiz, shu yilning 10-11 noyabr kunlari Samarqandda BMT shafeligida «Markaziy Osiyo: bir o‘tmish va bir kelajak, barqaror rivojlanish va o‘zaro farovonlik uchun hamkorlik» nomli xalqaro konferensiya bo‘lib o‘tdi. Unda nutq qilgan O‘zbekiston davlat rahbari Shavkat Mirziyoyev Markaziy Osiyo mamlakatlari yetakchilarining norasmiy maslahatlashuvlarini muntazam ravishda o‘tkazib kelish taklifini ilgari surgan edi. Qozog‘iston prezidenti Nursulton Nazarboyev ushbu taklifni birinchi bo‘lib qo‘llab-quvvatlagandi.