Internetda 2017 yilda chiqqan filmlarning eng esda qoluvchi sahnalari bir videoga jamlandi. Video YouTube’da joylashtirildi.
Rolikka nafaqat jangari filmlar, balki komediya va dramalardagi o‘ziga jalb qiluvchi, ta'sirchan sahnalar kiritilgan. Videojamlanmaga, jumladan, “Qorbola”, “T2: Treynspotting”, “Tig‘ ustida yuguruvchi 2049”, “Qurol-yaroqqa burkangan arvoh”, “Tor: Ragnaryok” va “Kvadrat” filmlaridan parchalar kiritilgan. Video muallifi rolikka parchalari kiritilgan barcha filmlar ro‘yxatini o‘z blogida joylashtirgan.
