Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Афғонистонда толибларнинг “махфий губернатори” ўринбосари йўқ қилинди
13:47 / 02.01.2018
6022
Фото: Tolo News

Афғонистонлик ҳарбийлар авиазарба натижасида “Толибон” радикал ҳаракати “махфий губернаторининг” ўринбосари, терактларни режалаштириш учун асосий жавобгар шахслардан бирини йўқ қилишди. Бу ҳақда Tolo News телеканали ИИВ баёнотига асосан хабар бермоқда.

Телеканал маълумотларига кўра, толиблар “махфий губернаторнинг ўринбосари” Мавлави Вали Жон Урузғон марказий вилояти Таринкот шаҳрида душанба кунги авиазарба давомида ўлдирилган. Гуруҳнинг яна 11 аъзоси ўққа тутилди.

"Авиазарба давомида қурол-яроғ ва транспорт воситалари ҳам йўқ қилинди", - дея ИИВ баёнотидан парча келтиради телеканал.

Баёнотга кўра, Вали Жон “Таринкот ва Урузғон вилоятининг бошқа қисмларидаги террорчилик хуружлари, қуролли ҳужумлар ҳамда портлашларнинг асосий ташкилотчиси бўлган”.


Улашинг
Top