AQShda muzlik davri: kaltakesaklardan keyin timsohlar ham muzlab qoldi

Shimoliy Karolina shtatidagi Shallotte River Swamp Park milliy bog‘ida suv bilan birga timsohlar ham muzlab qoldi.

Timsohlar suvda muzlab qolib, uyquga ketgan. Ular nafas olib turish uchun faqatgina burni va tumshug‘ini suv ustida qoldirganlar. Bog‘ vakilining aytishicha, havo isib, muzlar eriganda timsohlar uyg‘onadilar.

Oxirgi haftalarda AQShning bir qator shtatlarida sovuq harorat hukm surmoqda. Ba'zi shaharlarda havo harorati 30 daraja sovuqqacha tushib ketgan. Sovuqlar qurbonlarga ham olib kelgan.

Avvalroq Florida shtatida sovuqdan iguana kaltakesaklari muzlab qolgani ma'lum qilingandi.