Rossiyadagi eng xavfli ko‘prik (video)

Baykalorti o‘lkasida Rossiyadagi eng xavfli ko‘prik aniqlandi.
     
Ta'kidlanishicha, ko‘prik chirigan taxtalardan iborat bo‘lib, 500 metrdan ko‘proq uzunlikka ega va Vitim daryosi ustidan 15 metr balandlikdan o‘tgan. 

“Ertalab ko‘prikdan KamAZ o‘tgandi. Haydovchi bir o‘zi, yordamchisiz yurgan. Bu yerdan katta mashinada yurish uchun qanday katta jasoratga ega bo‘lish kerak o‘zi?”, deb savol bilan yuzlangan video muallifi.

Kuchli shamol mashinani ko‘prikda chayqatmasligi uchun mashinaning barcha oynalarini ochishga to‘g‘ri keladi. “Shpallar g‘ichirlaydi, taxtalar chirigan, ko‘prikning oxiri ko‘rinmaydi”, deb qo‘shimcha qilgan muallif.

Ushbu ko‘prik 30 yil avval qurilgan, biroq rasman foydalanishga kiritilmagan. Biroq bu ba'zi “dovyurak” haydovchilarga undan yurishga to‘sqinlik qilmayapti.