Abdulaziz Komilov Buyuk Britaniya elchisini qabul qildi

2018 yilning 26 yanvar kuni O‘zbekiston Respublikasi tashqi ishlar vaziri Abdulaziz Komilov Buyuk Britaniya va Shimoliy Irlandiya Birlashgan Qirolligining favqulodda va muxtor elchisi Kristofer Allanni qabul qildi. Bu haqda TIV axborot xizmati xabar berdi.

Suhbat davomida O‘zbekiston - Buyuk Britaniya kun tartibidagi ayrim masalalar, ilgari erishilgan kelishuvlarni tatbiq etishning amaliy jihatlari, shuningdek, tashqi siyosat idoralari rahbarlari darajasidagi bo‘lajak uchrashuvlar ko‘rib chiqildi.