Video: «Manchester Siti» futbolchisiga qo‘rqinchli tarzda jarohat yetkazildi

«Manchester Siti» hujumchisi Leroy Sane Angliya Kubogi doirasida «Kardiff»ga qarshi o‘yinning ikkinchi bo‘limi boshida og‘ir jarohat oldi.

22 yoshli germaniyalik futbolchi qarshi hujumga chiqib, tezkorlik bilan raqib jarima maydonchasiga yaqinlashganida himoyachilardan biri uning oyoqlariga butsasining ostki qismi bilan tashlandi. Hakam bu qo‘pollik uchun faqat sariq kartochka ko‘rsatish bilan cheklandi, Sane esa o‘yinni davom ettira olmadi va uning o‘rniga Serxio Aguero maydonga tushirildi.