O‘zbekiston va Qirg‘iziston chegara masalasi bo‘yicha muzokara o‘tkazdi

2018 yilning 12-15 mart kunlari Qirg‘iziston Respublikasining Botken shahrida O‘zbekiston-Qirg‘iziston Davlat chegarasini delimitatsiya va demarkatsiya qilish bo‘yicha O‘zbekiston va Qirg‘iziston Hukumat delegatsiyalari ishchi guruhlarining navbatdagi uchrashuvi bo‘lib o‘tdi. Bu haqda TIV axborot xizmati xabar bergan.

2017 yilning 5 sentabr, 5 oktabr va 13 dekabr kunlari oliy darajada bo‘lib o‘tgan uchrashuvlar davomida erishilgan kelishuvlarni ijro etish doirasida O‘zbekiston-Qirg‘iziston Davlat chegarasining qolgan uchastkalari orqali o‘tish chizig‘i loyihasi va uning tasnifi yuzasidan takliflar tayyorlash davom ettirildi.

Qayd etilishicha, uchrashuv do‘stlik va yaqin qo‘shnichilik ruhida o‘tgan.

Uchrashuv yakuniga ko‘ra Bayonnoma imzolandi.