AQShda erkin qurol savdosiga qarshi mitinglar boshlandi

AQShda qurol-yarog‘ni erkin savdoda sotilishiga qarshi bo‘lgan kishilar tinchlik marshida ishtirok etdi. 24 mart kuni dunyoning 800ta shahrida «Hayot uchun marsh» tashkillashtirilgan bo‘lib, olomon o‘tochar qurollarni sotish tartibini yanada qat'iylashtirishni talab qilmoqda.

Ko‘zga ko‘rinarli mitinglar poytaxt Vashington va Nyu-York shaharlarida bo‘lib o‘tdi. Ma'lum qilinishicha, marshda Janubiy Floridadagi maktabda yuz bergan otishmadan omon qolgan kishilar ham ishtirok etgan. Shuningdek, ko‘plab shunday toifa kishilar qurol savdosini to‘xtatilishi so‘ramoqda.

Eslatib o‘tamiz, fevral oyida Janubiy Floridada joylashgan maktabda yuz bergan mudhish voqeada 17 nafar kishi hayotdan ko‘z yumgandi.