Mahalladoshi uyidan qariyb 7 mln so‘m va zargarlik buyumlarini o‘marib ketgan shaxs ushlandi

Navoiy viloyatining Xatirchi tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari  bilan aloqalar boshqarmasi.

Qayd etilishicha, 20 mart kuni soat 12.00larda noma'lum shaxs Tasmachi mahallasida yashovchi, 1977 yilda tug‘ilgan H.A.ning uyidan 6.740.000 so‘m pullarini va 5 turdagi zargarlik buyumlarini o‘g‘irlab ketgan. 

Ko‘rilgan choralar natijasida ushbu jinoyatni Xatirchi tumani Tasmachi mahallasida yashovchi, 1985 yilda tug‘ilgan U.T. sodir etganligi aniqlanib qo‘lga olingan.