Qozog‘istonda yangi Din va fuqarolik jamiyati ishlari vaziri tayinlandi

Qozog‘istonlik senator Darxon Kaletayev Qozog‘iston Respublikasi prezidentining qarori bilan Din va fuqarolik jamiyati ishlari bo‘yicha vazir etib tayinlandi. Bu haqda Aqorda Matbuot xizmati xabar bermoqda.

Ma'lum qilinishicha, turli yillarda Qozog‘iston prezidenti devonida ishlagan Darxon Kaletayev "Nur Otan" xalq-demokratik partiya raisi o‘rinbosari sifatida ham faoliyat olib borgan.

Yangi vazirning Qozog‘iston Senatidagi faoliyati to‘xtatildi, shuningdek, ushbu vazirlikni boshqarib kelayotgan Nurlan Yermekbayev Prezident yordamchisi etib tayinlangan. U bir paytning o‘zida Qozog‘iston Respublikasi Prezidenti huzuridagi Xavfsizlik Kengashi kotibi hisoblanadi. 

Ma'lumot uchun, Din va fuqarolik jamiyati ishlari vazirligi 2016 yilning sentabrida davlat rahbarining qarori bilan tashkil etilgan.