Sog‘liqni saqlash vazirligi tomonidan narkotik moddalarga aloqador faoliyatga litsenziya berish tartibida o‘zgarishlar bo‘ladi 

2018 yil 1 iyundan Sog‘liqni saqlash vazirligi tomonidan narkotik moddalar, psixotrop vositalar va prekursorlarni olib kirish (olib chiqish), saqlash, realitsiya qilish (berish), taqsimlash, olib o‘tish, ishlab chiqish va ishlab chiqarish, tayyorlash, yo‘q qilish, narkotik moddalar, psixotrop vositalar va prekursorlarni ilmiy va o‘quv maqsadlarida, ishlab chiqarish ehtiyojlari uchun, jumladan, tibbiyot va veterinariyada foydalanish, shuningdek, narkotikka ega bo‘lgan o‘simliklar yetishtirish bo‘yicha litsenziya berish tartibida qator o‘zgarishlar yuz beradi.

Xususan, ariza beruvchi tomonidan quyidagilarni taqdim etish talabini bekor qilish hisobidan taqdim etiluvchi hujjatlar soni qisqartiriladi:

Sanitariya nazorati organlarining inshootlar mosligi yoki o‘rnatilgan talablarga muvofiqlik bo‘yicha xulosasi;

Sog‘liqni saqlash vazirligining Dori vositalari va tibbiy texnika sifatini nazorat qilish bo‘yicha Bosh boshqarmaning narkotik moddalar va psixotrop vositalar o‘rnatilgan standartlarda ishlab chiqarilgani bo‘yicha talablar haqidagi xulosasi;

O‘zbekiston Veterinariya davlat qo‘mitasining xulosasi.