«Barselona» 30-marotaba Ispaniya kubogini qo‘lga kiritdi

Foto: Twitter/LaLiga

2017/18 yilgi Ispaniya kubogining final uchrashuvi o‘tkazildi.

"Vanda Metropolitano" stadionida kechgan o‘yinda "Barselona" "Sevilya" darvozasiga javobsiz 5ta to‘p kiritdi.

14-daqiqada Suares hisobni ochdi. 31-daqiqada Messi farqni oshirdi. Oradan 9 daqiqa o‘tib, Suares dublga erishdi. Ikkinchi bo‘limning 7-daqiqasida Inesta ham gol kiritishga muvaffaq bo‘ldi. O‘yindagi so‘nggi golni penaltini aniq amalga oshirgan Koutino kiritdi.

Shu tariqa "Barselona" o‘z tarixida 30-marta Ispaniya kubogida g‘olib chiqmoqda va ushbu musobaqa uchun rekord hisoblanadi.

Sevilya – Barselona 0:5

Gollar: 0:1 – 14 Suares, 0:2 – 31 Messi, 0:3 – 40 Suares, 0:4 – 52 Inesta, 0:5 – 69, penalti Koutino.
Sevilya – Soriya, Langle, Merkado, Eskudero, Navas, Nzonzi, Banega, Vaskes (Nolito, 86), Sarabiya (Layyun, 82), Korrea (Sandro Ramires, 46), Muriel.
Barselona – Sillessen, Umtiti, Pike, Alba, Koutino (Dembele, 82), Serji Roberto, Rakitich, Buskets (Paulino, 76), Inesta (Denis Suares, 88), Messi, Suares.
Ogohlantirishlar: Merkado (34), Eskudero (38), Inesta (67), Buskets (74), Vaskes (74).