Xitoylik yigit attraksiondan yiqilib, hayotdan ko‘z yumdi

Xitoyliy yigit nosoz attraksiondan qulab, shifoxonada hayotdan ko‘z yumdi. Daily Mail nashri shu haqida xabar berdi. 

Voqea Xenan provinsiyasining Syuychan okrugida sodir bo‘ldi. 23 yoshli yigitning kutilmaganda xavfsizlik kamari yechilib ketdi. Olomon attraksion pastlaganida undan sakrashga chaqirdi, biroq yigit buning uddasidan chiqa olmadi va oxir-oqibat attraksiondan quladi.

Jabrlanuvchini darhol shifoxonaga yetkazishdi, biroq shifokorlar uning hayotini saqlab qola olishmadi.

Syuychan okrugi xavfsizlik xizmati vakillari dastlabki tergov yakunlari bo‘yicha voqea texnik nosozlik natijasida ro‘y berganini ma'lum qilishdi.