Xitoyda yo‘lovchi samolyotni “shamollatib yubormoqchi” bo‘ldi 

Xitoyda yo‘lovchi samolyot qo‘ngandan keyin uning ichini shamollatib yubormoqchi bo‘lib, avariyaviy lyukni ochib yubordi. Buning oqibatida lyuk ajrab chiqib, samolyotning avariyaviy trapi ochilib ketgan. Bu haqda South China Morning Post nashri xabar berdi.

Ma'lum qilinishicha, voqeaga 25 yoshli erkak sababchi bo‘lgan. U Xaynan orolidan Myanyan shahriga qaytayotgan bo‘lgan. “Samolyot ichi dim va issiq edi. Men shunchaki, yonimdagi oyna oldidagi dastakni bosgan edim. Eshik tushib ketganda, men vahimaga tushdim”, deb eslagan voqeani yo‘lovchining o‘zi.

Erkak bu qilmishi uchun 15 kun qamoqda o‘tirishiga va 11 ming dollar jarima to‘lashiga to‘g‘ri keladi. Pullar aviakompaniyaga yetkazilgan zararni qoplash uchun sarflanadi.