21:22 / 08.05.2018
3210

Avstraliya o‘z koinot agentligiga asos soldi

Foto : Shane Kimbrough/NASA

Avstraliya hukumati 2018 yil 8 may kuni 2018-2019 yillarga mo‘ljallangan byudjyet doirasida o‘z koinot agentligini yaratishini e'lon qildi. Ma'lum qilinishicha, koinot agentligiga 26 mln Avstraliya dollari (19,4 mln AQSh dollari) miqdorida mablag‘ ajratiladi.

2019-2020 yillarda agentlikka yana 15 mln Avstraliya dollari ajratiladi. U bu pullarni xalqaro koinot loyihalariga investitsiya qilishga ishlatishi mumkin bo‘ladi.

Agentlikning asosiy vazifalari raqobatbardoshlikni ta'minlash uchun Avstraliya koinot sanoatini qo‘llab-quvvatlash, koinot sektori korxonalari ishini muvofiqlashtirish, korxona aksiyadorlari, hukumatning turli darajadagi idoralari bilan birga ishlash, koinotda xalqaro hamkorlikni amalga oshirishdan iborat bo‘ladi.

Agentlik 1 iyuldan o‘z faoliyatini boshlaydi.

Top