Ikki karra olimpiya chempioni nomusga tegishda ayblanmoqda

Amerikalik taekvondochi, ikki karra olimpiya chempioni Stiven Lopes jinsiy jinoyatlarda ayblanmoqda. 

ESPN ma'lumotiga ko‘ra, to‘rt nafar ayol 39 yoshli sportchi va uning akasini jinsiy zo‘ravonlikda ayblab chiqqan.

Ta'kidlanishicha, Lopesning akasi ayblovlarni rad etmoqda.

Jabrlangan ayollar tomonidan da'vo arizalari AQSh Milliy olimpiya qo‘mitasi va AQSh taekvondo federatsiyasiga nisbatan ham berildi. Qayd etilishicha, ular bunday vaziyatga yo‘l qo‘yib berishgan.

Amerikalik 2000, 2004 yillardagi olimpiya chempioni, 2008 yilgi o‘yinlarning bronza medali sohibi, ko‘p karra jahon chempioni sanaladi.