Mbappe 1 milliardga ham sotilmaydi

«PSJ» prezidenti Nosir Al-Xelayfi xabar qildiki, jamoaning 19 yoshli hujumchisi Kilian Mbappe kosmik darajadagi mablag‘ga ham sotilmaydi.

«Men Mbappening transfer narxini ayon qilishimni istaysizlarmi? 1 mlrd yevrodan ortiq! Ha, men milliard dedim! Agar siz menga milliard taklif qilsangiz ham, men uni sotmayman», — deya Al-Xelayfining so‘zlarini keltirgan Sky Sports.

Mbappe «PSJ»ga o‘tgan yil yozida «Monako»dan kelib qo‘shilgandi, parijliklar klubi ushbu yosh futbolchini bir yil o‘tib 180 mln yevroga sotib olish sharti bilan ijaraga olgandi. «PSJ»dagi debyut mavsumida Mbappe 21 gol urishga erishdi.