Foto: Chung Sung-Jun/Getty Images
AQSh davlat kotibi Mayk Pompeoning ma'lum qilishicha, Qo‘shma Shtatlar Shimoliy Koreyada istiqomat qiluvchi odamlarning hayotini yaxshilashga tayyor. Bu KXDR yadrosizlanishni amalga oshirsa, yuz beradi, deb xabar qilmoqda RIA «Novosti».
«Agarda yadrosizlanishga erishsak, unda AQSh KXDRdagi odamlar hayotini yaxshilashi mumkin bo‘lgan ko‘plab narsalarni ularga taqdim etishga tayyor bo‘ladi», - deya aytib o‘tdi Pompeo.
Uning fikricha, Shimoliy Koreya yetakchisi Kim Chen In «Amerika texnologiyalarini qadrlaydi, ularni KXDR xalqi uchun muhim, deb hisoblaydi».
Eslatib o‘tamiz, avvalroq AQSh vitse-prezidenti Mayk Pens Qo‘shma Shtatlar KXDRga nisbatan hech qachon harbiy variantni istisno etmagani haqida ma'lum qilgandi.
