Jom qishlog‘ida sel keltirgan zarar miqdori aniqlandi

Dastlabki hisob-kitoblarga ko‘ra, seldan zarar ko‘rgan bino va inshootlarni qurilish va ta'mirlash ishlariga 7 mlrd. so‘m mablag‘ talab etilishi aniqlandi, deb yozmoqda «Zarafshon» gazetasi.

Bugungi kunda talafot ko‘rgan xonadon va boshqa infratuzilma obektlarida qurilish-obodonlashtirish ishlari jadal yo‘lga qo‘yildi. Talab etiladigan mablag‘lar mahalliy byudjyet va boshqa manbalar hisobidan qoplanishi ko‘zda tutilgan.

Ushbu qishloqlarda qurilish, ta'mirlash va obodonlashtirish, ijtimoiy va muhandislik-kommunikatsiya infratuzilmasi obektlarini joriy yilning 1 avgustiga qadar foydalanishga topshirilishi ta'minlanadi.

Eslatib o‘tamiz, joriy yil 15 maydan 16 mayga o‘tar kechasi kuchli sel kelishi oqibatida 71 ta, shundan 49 ta Girdiqo‘rg‘on, 10 ta Jom, 7 ta Tegirmonboshi va 5 ta Omondara mahallalaridagi aholi xonadonlari va tomorqalariga zarar yetgan edi.