Axborot texnologiyalari va kommunikatsiyalarini rivojlantirish vazirligida Malayziyaning «Silverlake Group» kompaniyasi rahbari M.Redzuan Kushayri boshchiligidagi delegatsiya a'zolari bilan uchrashuv bo‘lib o‘tdi. Vazirlik matbuot xizmatida shu haqida xabar berildi.
Uchrashuvda tomonlar axborot-kommunikatsiya texnologiyalari yo‘nalishidagi hamkorlik istiqbollarini atroflicha muhokama qilishdi.
Axborot texnologiyalari va kommunikatsiyalarini rivojlantirish vazirligi «Silverlake Group» kompaniyasi bilan «elektron hukumat» yo‘nalishi uchun yangi tizim va axborot texnologiyalari mahsulotlarini ishlab chiqarishga qaratilgan loyihalarni amalga oshirish yuzasidan hamkorlik qilishga kelishib oldi.
