Iyun oyi oxirida magnit bo‘roni kuzatilishi ma'lum qilindi

Yerda 28 iyunda G1 birinchi darajadagi magnit bo‘roni kuzatiladi, 27 va 29 iyunda magnitosfera qo‘zg‘algan holatda bo‘ladi. Bu haqda RIA «Novosti» Rossiya Fanlar akademiyasining Lebedev nomidagi Quyosh Fizikasi instituti rentgen astronomiyasi laboratoriyasi prognoziga asosan xabar qilmoqda.

Besh ballik shkala bo‘yicha G2 darajadagi hodisa sifatida baholanuvchi magnit bo‘ronlari energetik tizimlardagi kuchsiz nosozliklarga olib keladi, shuningdek, kosmik qurilmalarni boshqarish tizimlariga kichik ta'sir ko‘rsatadi. Shuningdek, bunday holatda 60 daraja va undan yuqori kengliklarda qutb yog‘dulari kuzatilishi mumkin.

Avvalgi magnit bo‘ronlari 2 iyun, 6 va 7 mayda kuzatildi, joriy yildagi eng yirigi esa aprelda qayd etildi.