Foto: FK «Tosno»
O‘zbekiston terma jamoasi va «Tosno» klubining sobiq yarimhimoyachisi Vagiz Galiulin FNL vakili «Tambov» klubi bilan shartnoma imzoladi, deb xabar beradi Sportbox.
Futbolchi bosh murabbiy Murat Iskakov jamoasi tarkibida mashg‘ulotlarga kirishgan.
Qizig‘i shundaki, 30 yoshli Galiulin «Baltika» klubi tarkibida ko‘rikdan o‘tayotgan edi. Ammo tambovliklar uni o‘z tomoniga og‘dirishga muvaffaq bo‘lishdi.
O‘tgan mavsumda Galiulin «Tosno» bilan Rossiya kubogida g‘alaba qozondi. Chempionatda esa 23ta o‘yinda maydonga tushib 3ta gol urdi. Keyinchalik klub o‘z faoliyatini to‘xtatdi, futbolchilar esa tarqab ketdi.
