Foto: AFP /Paul Buck
Tailandda so‘nggi to‘qqiz yil ichida birinchi marta o‘lim jazosi ijroga keltirildi. Bu haqda mamlakat milliy telekanali xabar bergan.
Tailandning 26 yoshli fuqarosi 2012 yilda 17 yoshli o‘smirga 24 marta pichoq urib, o‘ldirgani hamda uning hamyoni va mobil telefoni bilan voqea joyidan yashirinishga harakat qilgani uchun o‘lim jazosiga mahkum etilgandi. Erkakni birinchi instansiya sudi oliy jazoga hukm qildi, apellyatsion va oliy sud bu hukmni tasdiqlagan.
Qatl dushanba kuni Bangkokning Bang Kuang markaziy qamoqxonasida amalga oshirildi.
