Tailanddagi g‘ordan qutqarilgan bolalarga uylariga qaytishga ruxsat berildi

Tailandda 2 haftadan ko‘proq vaqt g‘orda qolib ketgan va qutqarilganlaridan keyin Chiangray shahrida karantinda bo‘lgan 12 o‘smir va ularning murabbiyiga 18 iyul kechki payt “Tailand, olg‘a bor” teleko‘rsatuvidan oldin shifoxonadan chiqishlariga ruxsat beriladi. Ular bu ko‘rsatuvda ishtirok etishlari rejalashtirilgan.

Avvalroq bolalar shifoxonadan 19 iyulda chiqarilishlari ma'lum qilingan.

Ko‘rsatuvda, shuningdek, bolalarning oila a'zolari, ularni qutqarishda ishtirok etgan g‘avvoslar va davolagan shifokorlar ishtirok etishadi. Ular Txam Luang g‘orida 23 iyundan 10 iyulgacha kechgan barcha voqealar haqida so‘zlab berishadi. 

Ko‘rsatuv mamlakatning barcha telekanallari orqali davlat madhiyasi yangragach, mahalliy vaqt bilan soat 18.00da boshlanishi belgilangan.